نیوز ڈیسک:
حکومتِ بلوچستان نے غلام علی بلوچ کو بلوچستان پبلک سروس کمیشن (بی پی ایس سی) کا قائم مقام چیئرمین مقرر کردیا ہے۔ وہ اس عہدے پر اس وقت تک فرائض انجام دیں گے جب تک مستقل چیئرمین کی تقرری عمل میں نہیں آتی۔
غلام علی بلوچ اس سے قبل ایڈیشنل چیف سیکرٹری، سیکرٹری داخلہ، سیکرٹری تعلیم اور مواصلات و تعمیرات کے محکمے میں اہم عہدوں پر خدمات انجام دے چکے ہیں۔
جاری کردہ نوٹیفکیشن کے مطابق غلام علی بلوچ عبوری مدت کے دوران کمیشن کے تمام انتظامی و عملی امور کی نگرانی کریں گے۔ اس عارضی تقرری کا مقصد بی پی ایس سی کے امور کو بلا تعطل جاری رکھنا ہے، خصوصاً بھرتیوں، امتحانات اور زیر التواء معاملات سے متعلق عمل کو متاثر ہونے سے بچانا۔
