کوئٹہ : بولان کے علاقے مچھ اور آبِ گم کے قریب کوئٹہ سے پشاور جانے والی جعفر ایکسپریس پر نامعلوم افراد نے فائرنگ کی، تاہم خوش قسمتی سے کسی جانی نقصان کی اطلاع نہیں ملی۔
ریلوے ذرائع کے مطابق واقعے کے بعد سیکیورٹی حکام نے فوری طور پر علاقے کا معائنہ کیا اور ٹرین کو سیکیورٹی کلیئرنس دینے کے بعد اس کی منزل کی جانب روانہ کر دیا۔ ریلوے حکام کا کہنا ہے کہ جعفر ایکسپریس محفوظ حالت میں اگلے ریلوے اسٹیشن پر پہنچ گئی اور مزید کوئی ناخوشگوار واقعہ پیش نہیں آیا۔
یہ حملہ ایک بار پھر بولان ریلوے سیکشن میں مسافر ٹرینوں کی سیکیورٹی صورتحال پر سوالات اٹھا رہا ہے، جہاں پہلے بھی ایسے واقعات رپورٹ ہو چکے ہیں۔
