نیوز ڈیسک
پاکستان کے معروف ماہر امراض گردہ اور سندھ انسٹیٹی آف یورالوجی اینڈ ٹرانسپلانٹیشن (SIUT) کے بانی، ڈاکٹر ادیب رضوی کو برطانوی جریدے کی جانب سے عالمی ایوارڈ سے نوازا گیا ہے۔
یہ ایوارڈ انہیں جنوبی ایشیا میں طب کے شعبے میں ان کی گراں قدر خدمات کے اعتراف میں دیا گیا ہے۔ ڈاکٹر رضوی نے نہ صرف ہزاروں مریضوں کا مفت علاج ممکن بنایا بلکہ گردوں کی پیوندکاری جیسے پیچیدہ عمل کو عام انسان کی دسترس میں لانے میں بھی کلیدی کردار ادا کیا۔
برطانوی جریدے کی اس پہچان کو پاکستان کے لیے ایک اعزاز قرار دیا جا رہا ہے۔ ڈاکٹر ادیب رضوی نے اس موقع پر کہا کہ یہ ایوارڈ صرف ان کی نہیں بلکہ پوری پاکستانی قوم اور ان کے ادارے SIUT کے نام ہے، جو انسانیت کی خدمت کے مشن پر کاربند ہے
