سٹاف رپورٹر: کوئٹہ: حکومت بلوچستان نے صوبے بھر میں 15 روز کے لیے دفعہ 144 کے نفاذ کا اعلان کر دیا ہے۔ اس سلسلے میں جاری نوٹیفکیشن کے مطابق عوامی مقامات پر اسلحہ کی نمائش، موٹر سائیکل پر ڈبل سواری اور پانچ یا اس سے زائد افراد کے اجتماع پر پابندی عائد رہے گی۔
اعلامیے میں واضح کیا گیا ہے کہ اس دوران سیاسی جلسے، احتجاجی مظاہرے اور ریلیاں بھی منعقد نہیں کی جا سکیں گی۔ اسی طرح چہرہ ڈھانپنے، ماسک پہننے اور کالے شیشوں والی گاڑیوں کے استعمال پر بھی پابندی ہوگی۔
حکومتی ہدایت کے مطابق خلاف ورزی کرنے والوں کے خلاف سخت قانونی کارروائی عمل میں لائی جائے گی
