کوئٹہ: بلوچستان اسمبلی میں پاکستان پیپلز پارٹی کے پارلیمانی لیڈر میر صادق عمرانی نے پاکستان پیپلز پارٹی کی مرکزی رہنما فریال تالپور سے ملاقات کی، جس میں پارٹی امور اور بلوچستان کی موجودہ سیاسی صورتحال پر تفصیلی تبادلہ خیال کیا گیا۔
ملاقات کے دوران میر صادق عمرانی نے بلوچستان میں جاری سیاسی صورتحال، صوبے میں پاکستان پیپلز پارٹی کی تنظیم نو اور پارٹی منشور کو صوبے کے ہر حصے میں مؤثر انداز میں نافذ کرنے سے متعلق امور پر گفتگو کی۔
اس موقع پر رکن قومی اسمبلی اعجاز جکھرانی بھی موجود تھے۔
پیپلز پارٹی کی مرکزی رہنما فریال تالپور نے یقین دہانی کرائی کہ بلوچستان سے متعلق مسائل کے حل اور صوبے میں سیاسی قیادت کی معاونت کے لیے پارٹی ہر ممکن تعاون فراہم کرے گی۔
