منگچر: خالق آباد منگچر کے علاقے بدرنگ ایریا سے دو افراد کی لاشیں برآمد ہوئی ہیں۔ پولیس ذرائع کے مطابق اطلاع ملتے ہی پولیس کی ٹیم موقع پر پہنچی اور دونوں لاشوں کو اپنی تحویل میں لے کر قریبی مقامی ہسپتال منتقل کر دیا۔
ابتدائی تفتیش کے دوران متوفیان کی جیبوں سے شناختی کارڈ برآمد ہوئے، جن کے مطابق ایک شخص کی شناخت قطب علی ولد محمد اکبر سکنہ میخری 2 کے نام سے ہوئی، جبکہ دوسرے متوفی کی شناخت علی محمد ولد محمد حیات سکنہ جوہان کے نام سے ہوئی ہے۔
پولیس کے مطابق مزید تفتیش جاری ہے اور موت کی اصل وجہ پوسٹ مارٹم رپورٹ آنے کے بعد معلوم ہو سکے گی۔ واقعے کے تمام پہلوؤں کا جائزہ لیا جا رہا ہے جبکہ ضروری قانونی کارروائی بھی مکمل کی جا رہی ہے۔
