کوئٹہ میں گیس جمع ہونے سے گھر میں دھماکہ، خاتون اور تین بچے زخمی

سٹاف رپورٹر:

کوئٹہ — ہزارہ ٹاؤن کے علاقے کرانی روڈ پر منگل کی صبح ایک گھر میں گیس جمع ہونے کے باعث زور دار دھماکہ ہوا، جس کے نتیجے میں ایک خاتون اور تین بچے جھلس کر زخمی ہو گئے۔

امدادی ٹیموں نے موقع پر پہنچ کر زخمیوں کو فوری طور پر اسپتال منتقل کیا، جہاں ان کا علاج جاری ہے۔ پولیس کے مطابق دھماکہ محلہ امام باقر میں پیش آیا، جب بند کمرے میں جمع ہونے والی گیس آگ پکڑ گئی۔

زخمیوں کی شناخت بی بی عذرا زوجہ سید ناصر (عمر 40 سال)، سحر (عمر 15 سال)، حسینہ (عمر 12 سال) اور عباس (عمر 9 سال) کے ناموں سے ہوئی ہے، جو سب اسی گھر میں رہائش پذیر تھے۔

پولیس کا کہنا ہے کہ واقعے کی تحقیقات جاری ہیں تاکہ یہ معلوم کیا جا سکے کہ گیس لیکج کس طرح پیدا ہوئی اور آیا اس میں حفاظتی غفلت شامل تھی یا نہیں