نیوز ڈیسک
اسلامآباد : الیکشن کمیشن آف پاکستان نے قومی اسمبلی کے حلقہ NA-251 شیرانی-کُم-ژوب-کُم-قلعہ سیف اللہ سے پشتونخوا نیشنل عوامی پارٹی کے چیئرمین خوشحال خان کاکڑ کی کامیابی کا باضابطہ نوٹیفکیشن جاری کر دیا۔ اس فیصلے کے بعد انہیں قومی اسمبلی کا رکن تسلیم کیا جائے گا، جو آئینی و قانونی تقاضوں کے تحت انتہائی اہم سیاسی پیش رفت ہے۔
سپریم کورٹ آف پاکستان نے این اے-251 کے الیکشن کے تنازعہ میں تحریری حکم نامہ جاری کرتے ہوئے الیکشن ٹریبونل بلوچستان کے سابق فیصلے کو کالعدم قرار دیا اور الیکشن کمیشن کو خوشحال خان کاکڑ کی کامیابی کا نوٹیفکیشن جاری کرنے کا حکم دیا تھا، جس کے بعد اب الیکشن کمیشن نے قانونی عمل مکمل کر دیا ہے۔
یہ فیصلہ پشتونخوا نیشنل عوامی پارٹی اور اس کے کارکنان کے لیے بڑی سیاسی فتح سمجھا جا رہا ہے، جسے جمہوری عمل، عوامی مینڈیٹ اور آئینی حقوق کی بالادستی کے تناظر میں سراہا جا رہا ہے۔ خوشحال خان کاکڑ کی کامیابی وہی عوامی ووٹ کی ترجمانی ہے جس کے بارے میں پارٹی نے عدالت عظمیٰ کے فیصلے کا خیرمقدم کیا ہے۔
