خاران: پولیس ذرائع کے مطابق خاران شہر میں جمعرات کی صبح نامعلوم مسلح افراد ڈپٹی کمشنر کی سرکاری گاڑی اپنے ساتھ لے گئے۔
پولیس کا کہنا ہے کہ مسلح افراد نے ڈپٹی کمشنر خاران کی سرکاری گاڑی کو روکا اور اسے لے گئے، تاہم ڈپٹی کمشنر منیر سومرو اس وقت گاڑی میں موجود نہیں تھے اور محفوظ رہے۔
واقعے کے بعد پولیس اور سیکیورٹی فورسز نے علاقے کو گھیرے میں لے کر تحقیقات شروع کر دیں، جبکہ گاڑی کی بازیابی اور واقعے میں ملوث عناصر کی شناخت کے لیے سرچ آپریشن جاری ہے۔
حکام کے مطابق تحقیقات مکمل ہونے پر مزید تفصیلات جاری کی جائیں گی۔
