خاران (ویب ڈیسک) — خاران شہر میں ڈی آئی جی آفس کو نشانہ بنا کر کیے گئے بم دھماکے میں دو افراد زخمی ہو گئے۔
تفصیلات کے مطابق اتوار کے روز نامعلوم مسلح افراد نے ڈی آئی جی آفس کے قریب یکے بعد دیگرے تین دھماکے کیے۔ دھماکوں کے نتیجے میں دو افراد زخمی ہو گئے جنہیں فوری طور پر سول ہسپتال خاران منتقل کر دیا گیا۔
صوبائی وزیر و ایم پی اے میر شعیب نوشیروانی نے ڈپٹی کمشنر اور ایس ایچ او سٹی کے ہمراہ سول ہسپتال کا دورہ کیا، زخمیوں کی عیادت کی اور ہسپتال انتظامیہ کو بہترین طبی سہولیات فراہم کرنے کی ہدایت دی۔
دھماکے کے بعد سیکیورٹی فورسز نے علاقے کو گھیرے میں لے کر تحقیقات کا آغاز کر دیا ہے
