نیوز ڈیسک :
کوئٹہ: بلوچستان ہائی کورٹ کی ڈویژنل بینچ نے صوبائی اسمبلی کی جانب سے BPS-16 اور BPS-17 کی آسامیوں کے لیے کی گئی تعیناتیوں کو معطل کر دیا۔
کیس کی سماعت چیف جسٹس کامران ملاخیل اور جسٹس نجم الدین مینگل نے کی۔
یہ فیصلہ ایک آئینی درخواست پر کیا گیا جسے وکلاء محمد مبشر، شہریار علی اور سلمان خان سنجرانی نے دائر کیا تھا۔
درخواست کی سماعت کے دوران وکیل بلال حیدر نے دلائل پیش کیے۔ سماعت کے بعد بینچ نے درخواست منظور کرتے ہوئے تمام تعیناتیوں پر عبوری روک لگا دی۔ اس معاملے کی مزید کارروائی کے لیے کیس 1 جنوری کو ویکیشن جج کے سامنے مقرر کیا گیا ہے
