کوئٹہ: وزیر اعلیٰ بلوچستان میر سرفراز بگٹی نے کہا ہے کہ بلوچستان میں شائع ہونے والے اخبارات کو بہت کم لوگ پڑھتے ہیں، جس کے باعث صوبائی حکومت نئی ڈیجیٹل میڈیا پالیسی متعارف کرانے جا رہی ہے۔
کوئٹہ میں گفتگو کرتے ہوئے وزیر اعلیٰ نے کہا کہ بدلتے ہوئے میڈیا رجحانات کے باعث اخبارات کی قارئین تعداد میں نمایاں کمی آئی ہے، اس لیے حکومت مؤثر اور وسیع تر عوامی رابطے کے لیے ڈیجیٹل میڈیا کی جانب بڑھ رہی ہے۔
انہوں نے اخباری مالکان کو ہدایت کی کہ وہ اپنے ملازمین کو سرکاری پالیسی کے مطابق تنخواہیں ادا کریں اور میڈیا ورکرز کے حقوق کا تحفظ یقینی بنائیں۔
وزیر اعلیٰ کے مطابق نئی ڈیجیٹل میڈیا پالیسی کا مقصد صوبے میں اطلاعات کی ترسیل کو جدید تقاضوں سے ہم آہنگ کرنا، ذمہ دار صحافت کو فروغ دینا اور میڈیا کے شعبے میں منصفانہ لیبر پریکٹسز کو یقینی بنانا ہے۔
