نیوز ڈیسک
کوئٹہ: معاون برائے وزیر اعلیٰ بلوچستان شاہد رند نے کہا ہے کہ حکومت نے صوبے بھر میں امن و امان برقرار رکھنے کے لیے دفعہ 144 بلوچستان نافذ کر دی ہے، جس کے تحت غیر قانونی ہڑتال، احتجاج، جلسے جلوس اور سڑک بند کرنے کی اجازت نہیں ہوگی۔
شاہد رند کے مطابق بلوچستان ہائی کورٹ کے احکامات کی روشنی میں کسی بھی قسم کی روڈ بلاک یا شاہراہ بندش کی اجازت نہیں دی جا سکتی۔ انہوں نے بتایا کہ قانون نافذ کرنے والے اداروں کو ہدایت جاری کی گئی ہے کہ احتجاج کے نام پر ٹریفک میں رکاوٹ ڈالنے والوں کے خلاف سخت کارروائی کی جائے۔
انہوں نے مزید کہا کہ دفعہ 144 کی خلاف ورزی کرنے والوں کو گرفتار کیا جائے گا، اور قانون سب کے لیے برابر ہے۔ پولیس کو واضح احکامات ہیں کہ امن و امان برقرار رکھنے کے لیے بلا امتیاز کارروائی عمل میں لائی جائے۔
