کوئٹہ، 9 ستمبر 2025 – بلوچستان بورڈ آف انٹرمیڈیٹ اینڈ سیکنڈری ایجوکیشن (بی بی آئی ایس ای) کوئٹہ نے انٹرمیڈیٹ کے سالانہ امتحانات 2025 کے نتائج کا اعلان کر دیا۔
چیئرمین بورڈ محمد اسحاق کے مطابق امتحانات میں کل 1 لاکھ 1 ہزار 193 امیدوار شریک ہوئے، جن میں سے 91 ہزار 400 امیدوار کامیاب قرار پائے۔ اس طرح کامیابی کا مجموعی تناسب 90.3 فیصد رہا۔
جماعت وار نتائج
گیارہویں جماعت: 46 ہزار 737 امیدوار شریک ہوئے، 40 ہزار 363 کامیاب ہوئے، کامیابی کا تناسب 86.4 فیصد رہا۔
بارہویں جماعت: 54 ہزار 456 امیدوار شریک ہوئے، جن میں سے 51 ہزار 37 کامیاب قرار پائے، کامیابی کا تناسب 93.7 فیصد رہا۔
پوزیشنز حاصل کرنے والے طلباء و طالبات
پہلی پوزیشن: سید عبدالمتین ولد سید رحیم الدین، گورنمنٹ انٹر کالج کلی حرّمزئی سیدان، ضلع پشین کے طالبعلم نے 1051 نمبر حاصل کر کے صوبے بھر میں پہلی پوزیشن حاصل کی۔
دوسری پوزیشن (مشترکہ): سید اسرار احمد ولد سید صدرالدین، گورنمنٹ انٹر کالج پیر علی زئی، اور اقراء فیض دختر فیض محمد، اسلامیہ گرلز کالج کوئٹہ، دونوں نے 1050 نمبر حاصل کر کے دوسری پوزیشن حاصل کی۔
تیسری پوزیشن (مشترکہ): بی بی صفا دختر سید نصراللہ، تعمیر نو گرلز کالج کوئٹہ، امیمہ دختر عبدالسلام، کینٹ پبلک ڈگری کالج جناح ٹاؤن کوئٹہ، اور بی بی عدیلہ، اسلامیہ گرلز کالج کوئٹہ، تینوں نے 1049 نمبر حاصل کر کے مشترکہ طور پر تیسری پوزیشن حاصل کی۔
چیئرمین محمد اسحاق نے کامیاب ہونے والے طلبہ و طالبات، ان کے والدین اور اساتذہ کو مبارکباد پیش کرتے ہوئے کہا کہ:
"نوجوان نسل کے بہتر مستقبل کے لیے تعلیم ہی واحد راستہ ہے اور یہ کامیابیاں ہمارے طلبہ کی محنت اور لگن کا ثبوت ہیں۔”
طلبہ اپنے نتائج بورڈ کی آفیشل ویب سائٹ پر دیکھ سکتے ہیں:
