کوئٹہ: سال 2025 کے دوران بلوچستان بھر میں ٹریفک حادثات کے نتیجے میں کم از کم 415 افراد جان سے ہاتھ دھو بیٹھے، جبکہ ماہرین کے مطابق یہ تعداد صوبے میں دہشت گردی سمیت دیگر بڑے واقعات سے ہونے والی اموات سے بھی زیادہ ہے۔
زیادہ تر ہلاکت خیز حادثات سنگل لین شاہراہوں پر پیش آئے، جہاں اوور اسپیک اور لاپرواہ ڈرائیونگ اہم وجوہات قرار دی جارہی ہیں۔ ماہرین کا کہنا ہے کہ منزل تک جلد پہنچنے کی کوشش اکثر جان لیوا ثابت ہوتی ہے۔
حکام نے ڈرائیوروں پر زور دیا ہے کہ سڑک پر صبر و تحمل اختیار کریں، رفتار کم رکھیں اور ٹریفک قوانین کی پابندی کریں، تاکہ ایسے سانحات سے بچا جا سکے جو خاندانوں کو تباہ کر دیتے ہیں۔
