نیوز ڈیسک
کوئٹہ :الیکشن کمیشن نے خضدار کے حلقہ این اے-256 میں ہونے والے ضمنی انتخابات ملتوی کر دیے ہیں۔
جاری کردہ اعلامیے کے مطابق، یہ فیصلہ بلوچستان کی صوبائی حکومت کی درخواست پر کیا گیا، جس میں علاقے کی موجودہ امن و امان کی صورتحال کو مدنظر رکھتے ہوئے انتخابات مؤخر کرنے کی سفارش کی گئی تھی۔
الیکشن کمیشن کے بیان میں کہا گیا ہے کہ این اے-256 خضدار میں ضمنی انتخابات 5 اپریل 2026 کو ہونا تھے، تاہم سیکیورٹی خدشات کے باعث انتخابی شیڈول کو معطل کر دیا گیا ہے۔ مزید برآں، بلوچستان کے چیف سیکرٹری اور انسپکٹر جنرل پولیس کو ہدایت کی گئی ہے کہ وہ ذاتی طور پر کمیشن کے سامنے پیش ہو کر صورتحال پر بریفنگ دیں۔
الیکشن کمیشن کا کہنا ہے کہ نئی تاریخ کا اعلان سیکیورٹی صورتحال کا جائزہ لینے کے بعد کیا جائے گا۔
