کوئٹہ (نیوز ڈیسک) — بلوچستان بھر میں امن و امان کی صورتحال کو برقرار رکھنے کے لیے صوبائی حکومت نے ایک ماہ کے لیے دفعہ 144 نافذ کر دی ہے۔ محکمہ داخلہ بلوچستان کی جانب سے جاری نوٹیفکیشن کے مطابق صوبے بھر میں جلسے، جلوس، ریلیاں، پانچ یا اس سے زائد افراد کے اجتماعات اور اسلحہ کی نمائش پر مکمل پابندی عائد کر دی گئی ہے۔
نوٹیفکیشن میں کہا گیا ہے کہ یہ فیصلہ صوبے میں ممکنہ امن و امان کے خدشات کے پیشِ نظر کیا گیا ہے۔ ضلعی انتظامیہ اور قانون نافذ کرنے والے اداروں کو ہدایت کی گئی ہے کہ دفعہ 144 پر سختی سے عملدرآمد یقینی بنایا جائے۔
حکومت بلوچستان نے واضح کیا ہے کہ حکم عدولی کرنے والوں کے خلاف قانون کے مطابق کارروائی کی جائے گی
