کراچی میں 14 جولائی 2025 کو جرمنی کے سبکدوش ہونے والے قونصل جنرل ڈاکٹر روڈیگر لوٹس کے اعزاز میں ایک شاندار الوداعی ظہرانے کا اہتمام کیا گیا۔ اس موقع پر مختلف ممالک کے سفارتکاروں، کاروباری رہنماؤں، سول سوسائٹی کے نمائندوں اور معزز شخصیات نے شرکت کی اور ڈاکٹر لوٹس کی خدمات کو خراج تحسین پیش کیا۔
تقریب سے خطاب کرتے ہوئے اعزازی قونصل جنرل برائے بلوچستان میر مراد بلوچ نے ڈاکٹر روڈیگر لوٹس کی سفارتی قیادت اور پاکستان اور جرمنی کے تعلقات کو مضبوط بنانے میں ان کے کردار کو سراہا۔
میر مراد بلوچ نے کہا: “ڈاکٹر لوٹس نہ صرف ایک بہترین سفارتکار تھے بلکہ ایک مخلص اور معاون ساتھی بھی رہے۔ ان کے دور میں پاکستان اور جرمنی کے تعلقات میں گہرائی اور نئے شعبوں میں تعاون کے مواقع پیدا ہوئے۔”
تقریب کا اختتام محبت بھرے پیغامات، نیک تمناؤں اور پاکستان میں ڈاکٹر لوٹس کی خدمات کے اعتراف کے ساتھ ہوا۔ شرکاء نے امید ظاہر کی کہ ان کی کاوشیں دونوں ممالک کے درمیان دوستی اور تعاون کو مزید فروغ دینے میں معاون ثابت ہوں گی
