سٹاف رپورٹر
کوئٹہ بلوچستان کابینہ کا اہم اجلاس آج بروز پیر دوپہر 2 بجے کوئٹہ میں منعقد ہوگا۔ اجلاس کی صدارت وزیر اعلیٰ بلوچستان میر سرفراز بگٹی کریں گے۔
سرکاری ذرائع کے مطابق، کابینہ اجلاس میں آئندہ مالی سال 2025-26 کے بجٹ کی منظوری دی جائے گی۔ اجلاس میں صوبے کی مالی ضروریات، ترقیاتی منصوبوں، اور عوامی فلاح و بہبود سے متعلق اسکیموں پر غور کیے جانے کا امکان ہے۔
ذرائع کا کہنا ہے کہ بجٹ میں صحت، تعلیم، انفراسٹرکچر اور سوشل ویلفیئر کے شعبوں کے لیے اضافی فنڈز مختص کیے جا سکتے ہیں۔ اجلاس کے بعد وزیر اعلیٰ یا حکومتی ترجمان کی جانب سے میڈیا کو باضابطہ بریفنگ دی جائے گی۔
یاد رہے کہ بلوچستان حکومت کے اس بجٹ کو صوبے میں جاری ترقیاتی سرگرمیوں اور عوامی سہولیات کی فراہمی کے لیے نہایت اہم قرار دیا جا رہا ہے
