ویب ڈیسک
کوئٹہ محکمہ موسمیات نے خبردار کیا ہے کہ بلوچستان کے بیشتر علاقوں میں آئندہ چند روز کے دوران موسم گرم اور خشک رہے گا، جبکہ میدانی علاقوں میں گرمی کی شدت میں مزید اضافے کا امکان ہے۔
محکمہ موسمیات کے مطابق، صوبے کے کئی علاقوں میں تیز اور گرد آلود ہوائیں چلنے کا امکان ہے، جس کے باعث شہریوں کو احتیاطی تدابیر اختیار کرنے کی ہدایت دی گئی ہے۔
مختلف علاقوں کا درجہ حرارت:
کوئٹہ میں زیادہ سے زیادہ درجہ حرارت 35 ڈگری سینٹی گریڈ ریکارڈ کیا گیا۔
قلات میں درجہ حرارت 30 ڈگری سینٹی گریڈ رہا۔
زیارت میں 27، ژوب میں 39 ڈگری سینٹی گریڈ ریکارڈ کیا گیا۔
سبی میں درجہ حرارت 48 اور تربت میں 45 ڈگری سینٹی گریڈ تک جا پہنچا۔
نوکنڈی میں 43، جبکہ چمن میں 37 ڈگری ریکارڈ کیا گیا۔
بلوچستان کے ساحلی علاقوں میں بھی گرمی کی لہر برقرار رہی، گوادر میں 37 اور جیوانی میں 36 ڈگری سینٹی گریڈ درجہ حرارت ریکارڈ ہوا۔
عوام کے لیے ہدایت:
محکمہ موسمیات نے شہریوں کو سخت گرمی کے دوران غیر ضروری طور پر باہر نکلنے سے گریز کرنے، ہلکے کپڑے پہننے، اور زیادہ سے زیادہ پانی پینے کی ہدایت کی ہے تاکہ ہیٹ اسٹروک سے بچا جا سکے۔
