سٹاف رپورٹر
کوئٹہ، وزیرِ اعظم محمد شہباز شریف آج اپنے ایک روزہ دورے پر کوئٹہ پہنچے، جہاں اُن کے ہمراہ وفاقی وزراء اور اعلیٰ حکام بھی موجود تھے۔
کوئٹہ ایئرپورٹ پر وزیرِ اعظم کا استقبال قائم مقام گورنر و اسپیکر بلوچستان اسمبلی عبدالخالق اچکزئی اور وزیرِ اعلیٰ بلوچستان میر سرفراز بگٹی نے کیا۔
اپنے دورے کے دوران وزیرِ اعظم کمانڈ اینڈ اسٹاف کالج کا دورہ کریں گے جہاں انہیں پیشہ ورانہ اُمور اور سیکیورٹی سے متعلق بریفنگ دی جائے گی۔ اس کے علاوہ وہ قبائلی عمائدین کے گرینڈ جرگے میں بھی شرکت کریں گے، جہاں علاقائی ترقی، امن و امان اور صوبائی اُمور پر تبادلۂ خیال متوقع ہے۔
وزیرِ اعظم کے ہمراہ وفاقی وزیر برائے منصوبہ بندی احسن اقبال، وفاقی وزیر اطلاعات و نشریات عطاء اللہ تارڑ اور رکنِ قومی اسمبلی عطاء اللہ تارڑ بھی کوئٹہ پہنچے۔
یہ دورہ وفاقی حکومت کی بلوچستان کے ساتھ روابط مضبوط بنانے اور صوبے کی ترقی کے لیے جاری کوششوں کی عکاسی کرتا ہے۔
