گوادر (اسٹاف رپورٹ) فیڈرل انویسٹی گیشن ایجنسی (ایف آئی اے) کمپوزٹ سرکل گوادر نے بڑی کارروائی کرتے ہوئے ایران جانے کی کوشش کرنے والے 24 افراد کو گرفتار کر لیا۔
ایف آئی اے کے مطابق یہ افراد جیوانی کے قریب سمندری راستے سے غیر قانونی طور پر ایران جانے کی کوشش کر رہے تھے۔ گرفتار ہونے والوں میں 11 کا تعلق گوجرانوالہ، 7 کا تعلق حافظ آباد جبکہ 6 افراد کا تعلق شیخوپورہ سے ہے۔
ابتدائی تحقیقات سے معلوم ہوا ہے کہ یہ افراد ایران کے ذریعے مزید دیگر ممالک جانے کا ارادہ رکھتے تھے۔ گرفتار افراد کے خلاف مقدمات درج کر دیے گئے ہیں اور ان سے مزید تفتیش جاری ہے۔
ایف آئی اے کے ترجمان کے مطابق انسانی اسمگلنگ کے خلاف کارروائیاں مستقبل میں بھی جاری رہیں گی
